檔販、居民憶述良景邨「管理員」「執行任務」情況
2016-02-10

屯門良景邨商場對開,昨晚有一批自稱「管理員」的人驅趕熟食小販,最後演變成衝突。熟食小販檔和居民又點睇呢件事?



檔販、居民憶述良景邨「管理員」「執行任務」情況

 

熟食小販檔︰牛雜
經營︰幾廿年 (上一代已開始經營)

牛 雜檔主每天都會到屯門良景商場對開開檔,他指數年前,良景街市裝修,內設小食攤位。街市裝修後,管理外判予某一間公司,檔主說為保障街市內店舖利益,街 上擺檔的熟食小販開始受打壓。年初二晚「管理員」來「搶我部車,抬我部車走」,「一黎到就圍欄,圍四重欄,困住你,唔俾貨和車走,只俾人走。」

檔主說︰「我幾廿歲,轉唔到行,我地做左幾廿年,搵兩餐,洗唔洗趕絕?」

 

熟食小販檔︰炒雞翼尖、雞翼
經營︰近廿年

雞 翼檔主的檔口是家人經營,已經近廿年。她表示,七、八年前,食環署人員都會驅趕,間中車仔被充公,亦曾要上法庭。不過,情況不會像現時般嚴重。 她稱曾經嘗試去搞清楚「管理員」的身份,但至今仍然毫無頭緒。「當然我地有尋求過佢地的身份,係咪領展旗下的人,但他們有好多唔同版本,一開始,佢地話是 跟街市的管理公司合作,之後佢地又會話係領展的人,昨日,他們又話係代表業主立案法團。我好奇怪,究竟佢地係咩人。」

 

市民︰梁先生
居住︰廿多年

梁先生昨晚(年初二晚)目擊衝突事件,他說:「其實居民只係有兩個訴求,第一,點解D鐵欄圍阻住街坊出出入入,第二的不滿意,就係點解D管理員帶晒口罩, 金毛又有,佢著住件衫係管理員就管理員。相當不專業。」


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、高福慧、林詠雯、王磊

專題分類:新聞熱話
發表評論

最新專題