【中國點點點──閒話粵語#11】華人侍仔見工記
2017-01-13

十九世紀嘅葡治澳門,係大清對外嘅其中一個窗口。嗰個年代唔少傳教士都秉承傳授知識嘅使命,好似前兩集介紹Robert Morrison編寫咗《廣東省土話字彙》,教外國人粵語土話。今集,香港城市大學中文及歷史系教授程美寶搵嚟另一本,同樣喺澳門出版、由傳教士編寫嘅粵語寶典!

 



傳教士衛三畏 (Samuel Wells Williams) 喺1842年,編咗一本工具書,叫《Easy Lessons in Chinese》,中文譯做《拾級大成》。

呢本書係中英對照,記載咗一啲對話,寫明係Exercises in conversation (以對話做練習)。程美寶教授揀嚟一條「Conversation with a Comprador」(與「買辦」對話)。當時外國商人來華,會喺沿岸地區聘請一啲華人做採購、翻譯嘅工作,呢啲華人就稱為「買辦」。呢段對話,係一位叫「阿禮」嘅後生仔,正喺一個買辦嗰處「幫辦」,想跳槽過檔,洋人老闆就去見呢個後生仔。兩人嘅對話透露出當時嘅一啲通用粵語詞彙,例如代表距離單位嘅「唐汛」、直譯自英文Mister嘅「美士」等等。

即刻聽譚永暉同程美寶聲演呢段對話!

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、唐偉傑、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題