田北辰:葉劉不入閘反映中央極不願見第二輪選舉
2017-03-01

行政長官選舉提名期今日結束,新民黨葉劉淑儀未能取得足夠提名,宣布結束選舉工程。該黨副主席田北辰形容自己心情沉重,「葉太咁勤力做咁多嘢,去到一個地步不理自己尊嚴,邊個肯見佢,佢一定見,就算講到不提名佢,佢都會講自己政綱」,惟最終仍不能成功「入閘」。



他提到,葉太未能入閘,核心問題是中央極不願意見到第二輪選舉。但他認為,要團結社會,選舉一定要有競爭,如果第一輪就選出行政長官,即是一人取得逾600票,變相無競爭。他認為,即使有第二輪選舉,葉太與其餘三人「入閘」,中央接受的人選始終都會勝出,「林鄭提名滿瀉,分一百幾十,畀葉太入閘,公平競爭下我估林鄭嬴都會好大,葉太嘅心情亦不同,社會上觀感都會好好多」。

對比上屆特首選舉,田北辰認為選委在今次選舉的受壓程度「肯定係兩個世界」。他指自己今日才聽到葉太指有人本答應提名,後來卻收回,「點解要去到咁盡,如果有人想林鄭月娥入到閘,葉太入不到,比佢拿番幾廿票,佢對自己都有個交代,可能佢係唔係都過不到百五,好過一張都咁難攞」。

田北辰又認為是次選舉難以團結建制派,「一早同人講要支持一個人,咁叫團結咩?定畀建制派不同人士爭取,勝者為王,輸都心服口服」。日後新民黨會否支持林太,他指該黨不會捆綁,而他自己暫未決定支持何人。

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰黃岳永、陳婉嫻、李卓人、張國華 (2017年1月2日起)

監製:鄭婉薇

製作團隊:唐偉傑、黃曉玲、林詠雯、王磊、陳顥之

專題分類:新聞熱話
發表評論

最新專題