【中國點點點──社會熱話】內地偽球迷的自我修養
2014-06-19

世界盃熱潮風靡全球,不少忠實球迷都自願縮短寶貴的睡眠時間,瞓身支持愛隊。但好多睇世界盃嘅球迷,都唔一定係標準球迷;其中一班4年先睇一次波,但又扮哂識、扮哂無波不歡嘅「偽球迷」,梗有一個喺左近!



「醉翁之意不在酒」,「偽球迷」嘅焦點當然不會只放在球賽身上啦!世界盃決賽周有32隊國家隊參賽,當中不乏令人如痴如醉嘅 靚仔球員。巴西有尼馬、葡萄牙有C朗、意大利有派路;「有辣有唔辣」,不同國籍任君選擇。面對此情此景,一班「偽球迷」自然流哂口水,迫住跟進世界盃嘅最 新動態啦!

 

講開又講,中國國家主席習近平曾說「中國國家隊將進入世界盃決賽圈」。但自從2001年,國家隊奮勇擊敗強敵阿曼隊,晉身2002世界盃決賽周以來,一眾微博網民望穿秋水,都等不到國家隊光榮回歸決賽周的一日。

 

內地網民各出奇謀,究竟如何才能保送國家隊進入決賽周?有微博網民就抵死地說,國家隊要殺出一條血路,首先要和國際足協打好關係,以分配一個決賽周名額給南極洲,再將中國隊納入南極洲賽區。

 

然後,由中國隊同企鵝隊爭奪出線權!

第三步,中國隊作客誓死逼和企鵝隊!

國家隊逼和得手後,再將自己主場賽事安排在三亞舉行,務求熱死企鵝隊!

最後,國家隊在黨的英明領導下打入決賽周!

 

呢個計劃簡直天衣無縫、無堅不摧!但這個網民同時提出了一項合理質疑:國家隊能夠成功逼和企鵝隊嗎?

專題分類:中國熱話

最新專題