陳健波:監警會的決定不會影響朱經緯的懲處
2015-07-22

監警會今晚開會,再次討論涉及警司朱經緯的投訴。副主席陳健波指,即使朱經緯退休後,監警會才有結論,都不會影響朱經緯將來可能面對的懲處。

陳健波在【自由風自由Phone】表示,事件最大的爭論在於朱經緯以警棍揮向途人的動作,是否屬於毆打,「佢唔係喺條街上無啦啦打人,係經過全日勞累,大家知道當時旺角係非常混亂。咁嘅情況下,佢做咁嘅動作究竟係咪真係毆打呢?其實係好難決定。」「話佢濫用職權都應該啱架啦。」陳健波說:「過程中係咪需要武力?或者好多人都覺得唔需要嘅,但係咪要去到話佢毆打?呢個真係好大爭論,監警會都有唔同聲音。」



陳健波表示,會議目的並非投票,而是決定投訴警察課的新文件是否新證據或觀點,會令監警會需要重新討論個案。若然委員認為文件有新觀點,而且並未考慮過,就可能要決定是否需要再投票。不過,他指上之前的會議「傾左五﹑六個鐘以上,睇過片段幾十次」,很多觀點都已討論過,因此如果投訴警察課沒有提供新證據,則可以維持原判。

朱經緯將於明天退休,被問到監警會今晚作的決定,是否不會影響朱經緯將來面對的懲處,陳健波指,如果監警會同意投訴警察課的決定,即是個案完結,根據警方的處分方法處理。但如果決定維持原有決定,「我地得一條路,就係寫(報告)俾特首。」由特首決定如何處理。

陳健波說,以往很少聽過有扣減退休金的處分,「一般情況下,舉例一個人服務左警隊四十年,期間盡忠職守,又拎好多獎咁,都唔會話因為一兩件事扣人地份退休金。」他說,這都是由警方自己的委員會會決定。

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟
評論員︰葉健民、黃任匡、戴希立、關焯照

監製:陳燕萍
製作團隊:唐偉傑、黃雯娟、梁仲禮、黃曉玲

專題分類:新聞熱話
發表評論

最新專題