兩副校已承受極大心理負擔
2015-07-23

中華基督教會基真小學小五學生羅芍淇前年在校內墮樓身亡,死因庭今日裁定死因存疑,並斥責兩名副校長試圖用大話掩飾過失。

津貼小學議會主席張勇邦校長在【自由風自由Phone】表示,校方會指導學生及老師不要濫用急症室或急救服務,要視乎實際情況,決定是否使用急救服務致電救護站或聖約翰救傷隊。



不過,每間學校的指引都不一樣,他以自己學校作例子,「我地學校從來都唔會去搵聖約翰救傷隊」,因為校舍距離救護站較近,因此非緊急情況下一般會致電救護站。但他補充,如果遇上緊急情況,例如學生已陷入昏迷,不能描述自己狀況,都會報警,「呢啲係最擔心架嘛」。他又舉例,「最近都有兩單小朋友危坐天台,咁嘅情況下,我諗校長一二三都唔使諗會係打三條九,啫係我地常人果個判斷嘅時候。」

基真小學校工出庭作供時指,前校長曾吩咐職員不要隨便打九九九,因為怕傳媒「勾線」。張勇邦說「勾線呢個問題係耐以前嘅事」,如果學校知道現在已經不能勾線「就唔會咁講」。

死因裁判官裁決時形容基真小學教職員在庭上作供「謊話連篇」及「一派胡言」。張勇邦表示自己沒有聽審,因此不評論判裁官的判詞。但他認為,作為教育人員,「由校長到校工都有愛心嘅」,相信事件令兩位副校心理的心理負擔已經「極之巨大」。「我諗樣樣都希望往前看,外人好難評論校內員工嘅處理細節。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟
評論員︰葉健民、黃任匡、戴希立、關焯照

監製:陳燕萍
製作團隊:唐偉傑、黃雯娟、梁仲禮、黃曉玲

專題分類:新聞熱話
發表評論

最新專題