委員盧佩瑩:以前嘅做法唔會繞過海濱事務委員會
2015-09-04

城規會8月21日有條件通過新世界發展與康文署的尖沙咀海濱優化計劃,但新世界及康文署事前沒有向海濱事務委員會詳細交代規劃詳情,包括會增建三座建築物,直至九月一日才向委員會介紹規劃請況。

海濱事務委員會成員、香港建築師學會的余烽立在【自由風自由PHONE】指這是「掉轉頭嚟做」,先去城規會通過,然後「再問返一個無法定權力嘅機構,你去諮詢佢,有咩影響力呢?」另一委員港大地理系教授盧佩瑩更指,「咁大型嘅project 係必須要喺正式會議上面傾,以前嘅做法唔會係咁樣!」



繞過海濱事務委員會 欠缺公眾諮詢

根據新世界及康文署向城規會提交的文件所寫,優化計劃是獲得海濱事務委員會支持,但盧佩瑩指,無論是2013年1 月有關方面第一次向委員會諮詢這個計劃,還是2015年1月的第二次討論,均沒有提供設計詳圖和技術文件,例如會有三座建築物,甚至是9月1日、即計劃在城規會通過後再向海濱事務委員會介紹情況時,都沒有詳細資料,「譬如我地問佢,我地想多D地方可以坐到人既,咁佢就話佢就會有呢樣野,但係擺係邊一度係未講到出黎住。」委員余烽立說。

盧佩瑩又說,委員會成員曾經於七月三日以電郵方式收到計劃大綱,表示若成員有任何意見,可以用個人身份提交意見書到城規會,她指這做法與以往不同,「雖然佢有一啲動作令到我哋(委員會成員)唔係完全蒙在鼓裡,但咁大型嘅project 係必須要喺正式會議上面傾。」

盧佩瑩解釋,所有有關海濱用地及設施方面的項目,無論私人或是政府提出,都必須先遞交包含技術性層面的詳盡計劃書予海濱事務委員會,諮詢意見,而城規會亦必須考慮其意見,但今次計劃就繞過委員會先交上城規會審批,同時,當倡議一方向城規會提交申請時,海濱事務委員會亦正值換屆,盧佩瑩說不明白為何要趕在海濱事務委員會正式討論前就向城規會提出申請,「我哋(會上)有問到,但我哋係攞唔到答案,一月時的會議亦都無提及過七月會上城規會。」

海濱事務委員會要求新世界發展及康文署進行公眾參與,包括未來尖東海濱的管理模式,而康文署亦承諾會在十日後向委員會提交公眾參與詳情。不過,一直關注事件的公共專業聯盟黎廣德說,要「提防依個會變成一個假諮詢」。「依個諮詢應該唔單止淨係講設計規劃,亦都應該要包括埋所謂委託協議,係咪應該要委託俾新世界一話重新招標,甚至公家做返。第二,矛盾嘅地方係,馬上要開展星光大道嘅翻新,點解唔係結合埋成個諮詢然後先去做,做成一個好大漏洞」。

 

相關內容:

酒吧業協會副主席錢雋永:「係咪發展商嘅利益就要理,小租戶就唔使理?」新構建物影響景觀有幾大?【自由風自由Phone】親身去睇過:http://app3.rthk.hk/special/pau/article.php?aid=1324#RTHK #香港電台 #香港電台公共事務組 #尖東 #尖沙咀 #錢雋永 #新世界 #尖沙咀海濱

Posted by RTHK 香港電台公共事務組 on 2015年8月20日

 

 


香港電台第一台FM92.6 - 94.4

星期一至五 17:00-20:00

主持:陳燕萍、區家麟
評論員︰葉健民、黃任匡、戴希立、雷鼎鳴

監製:陳燕萍

製作團隊:鄭汝翹唐偉傑、黃曉玲

專題分類:新聞熱話
發表評論

最新專題