郭榮鏗:袁國強應代表港人捍衛法治 非為京官解畫
2015-09-14

法律界立法會議員郭榮鏗在【自由風自由Phone】表示,不明白律政司(司長)為何覺得要為中聯辦主任張曉明的言論解話,認為「律政司(司長)係代表香港人,守住香港嘅法治」。但袁國強卻「下下都要幫京官解畫」,質疑袁國強「唔係捍衛返香港嘅法治﹑基本法同三權分立」。



郭榮鏗批評張曉明的言論「無稽及毫無根據」,認為張曉明所指的特首超然於立法﹑司法等的真正意思,應由他本人解釋。「如果(特首)係超然,立法會點解有權彈劾特首?」,「香港最悲哀嘅係連最基本一加一等於二,都要有個律政司出黎講啲咁嘅嘢」。

大律師公會亦發表聲明,其中一點指基本法清晰界定了行政﹑立法﹑司法的關係和權責,而上級法院亦一再申明解釋基本法有關條文及履行司法職能審案時,會引用普 通法中的「權力分立」(separation of powers)。因此大律師公會亦堅信「權力分立」的法律概念在基本法底下得到充分的落實。郭榮鏗說,聲明顯示公會都認為,三權分立﹑特首要尊重法律這些 簡單道理,「張曉明唔係唔知」,反而可能「係有特別原因要刺激香港人,去改變政治文化。」

他又指,不相信是中央要求張曉明發表此番言論,「點解回歸十八年先要講啲咁嘅嘢?」香港法院早於2002年有案例,指憲制框架是跟隨「三權分立」,「佢要反對,一早就要反對」,不明白為何現在才有意見,「係咪嫌梁振英民望唔夠低要踩多兩腳?」

 

相關內容:

【特首地位超然三權論】張曉明搞分化?一按即睇湯家驊分析:http://app3.rthk.hk/special/pau/article.php?aid=1365#RTHK #香港電台 #香港電台公共事務組 #張曉明 #湯家驊 #梁振英 #三權分立

Posted by RTHK 香港電台公共事務組 on 2015年9月13日

 

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟
評論員︰葉健民、黃任匡、戴希立、雷鼎鳴

監製:陳燕萍

製作團隊:鄭汝翹唐偉傑、黃曉玲

專題分類:新聞熱話
發表評論

最新專題