梁籌庭:標準工時立法是底線,沒可能退讓。
2015-10-13

標準工時委員會六名勞顧會勞方代表,要求委員會盡快討論立法具體方案,否則將考慮退出委員會。勞工及福利局局長張建宗指六位勞方代表都是他的好朋友,呼籲他們不要退出。勞方代表梁籌庭在【自由風自由Phone】指,「到依個地步,我地嘅好朋友係咪都要做返多少嘢呢?」,「希望佢同另一批好朋友,僱主代表傾一傾,將我地強烈嘅信息講俾佢聽」。

梁籌庭表示,勞方的信息很清楚,「準時返工放工,OT(加班)有補水」,亦希望「政府會實實在在就標準工時立法,或者唔立法,要清楚話俾我地聽」資方代表態度強硬,在會議清晰表明,除了「勉強接受僱傭合約作為立法基礎之外,乜嘢都唔傾」。

梁籌庭說,過去會議「都係傾數據」,「睇唔到有具體方案拎出黎」,連最基本「會否就標準工時立法」等問題都沒有觸及。他認為,「最基本既要求係拎個方案出黎大家傾」,不是只看指標和數字。

資方代表劉展灝說,兩份顧問報告數字顯示,「一刀切嘅標準工時立法係唔可行」,「如果勞方認為唔滿意﹑唔合符期望就話要杯葛或唔再討論,就唔係好應該」。但梁籌庭回應說,勞方並非「輸打贏要」,而是資方態度強硬,反對立法,勞方難以在會內扭轉乾坤。他又說,不論委員會內六名勞方代表的政治立場為何,標準工時立法是他們的必要底線,沒可能退讓。

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟
評論員︰葉健民、黃任匡、戴希立、雷鼎鳴

監製:陳燕萍

製作團隊:鄭汝翹唐偉傑、黃曉玲

專題分類:新聞熱話
發表評論

最新專題