為何要組黨?侯志強︰原居民一盤散沙
2016-01-20

上水鄉事委員會主席侯志強,在鄉議局大會上動議組黨,名叫「新界進步聯盟黨」,簡稱新進聯。侯志強在《自由風自由PHONE》上,被問到有否向其他政治團體提及組黨一事,侯志強用家事來形容。「呢D喺自己家事,你走去同人講講完好似八婆。自己家事自己理好,咪OK 啦。」

 



「你哋兩位主持,今日我哋兩公婆食乜嘢餸,食乜嘢飯,食飯行街,洗乜同隔離二叔婆傾呢?傾嚟做乜鬼。」「管教好自己仔女,管教好自己D孫,咪OK囉!,我將你屋企搞得井井有條,你有麝自然香,你引到你家聲自然人地就俾面,家道衰落,人人都會踩你」

候志強說,如果對方有興趣,「可以傾下地方上點樣做嘢法,香港點樣發展,樂意同與任何政黨傾」。但會否主動同對方打招呼,侯志強稱,「我哋咁樣嘅Quali,一隻馬前卒,你走去同人地人傾,人地話你高攀呀!」並以「竹門對竹門,木門對木門 」來形容。

在元朗區議會主席選舉,民建聯梁志祥遭獲得鄉事力量支持的沈豪傑擊敗,未能連任,這是否代表鄉事派要自己找人,維護自己利益的一個「前哨」?侯志強指︰「我地唔談論個人,你有實力咪出來爭囉,冇實力,就『鵪鶉』啦。」

在組黨時間表上,候志強說籌組政黨要有團隊精神,大家一起商議。「我個人覺得過年前後,都要有D聲氣。你知我做事,好急先鋒,唔喜歡拖拖拉拉,做就做,唔做就唔做。」

他預計廿七個鄉事委員會,會有八至九成人加入新的政黨。

 

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、高福慧、林詠雯、王磊

專題分類:新聞熱話
發表評論

最新專題