退役警員評旺角騷亂警方處理
2016-02-12

兩位退役警員致電《自由風自由Phone》,評論旺角騷亂當晚,警員向天開槍等處理是否恰當。

 



退役警員羅先生評旺角騷亂警方處理 退役警員邱先生評旺角騷亂警方處理

羅先生曾為軍裝警員,有30多年差齡。

羅先生指,這幾年惡化的警民關係及警員聲望下降應歸咎於曾偉雄。他觀乎自己警隊朋友在社交群組瘋傳撥火言論及影片,但「唔諗下點解搞到今時今日地步。」

「平時工作上積埋唔少怨氣,例如比人鬧告車、查身份證,當呀sir落order話我哋打得既,我哋梗係盡情發洩啦。打開咗手收唔到。」但羅生亦指,警員不思考 為何情況如此,「係因為曾偉雄上咗嚟之後,好多嘢係唔公正吖嘛。鎖咗人哋重要打人,警司級已經係打頸。我哋睇到好心噏,點解警隊會搞成咁既呢。」

在社交群組,警員朋友將盧偉聰改名為「無謂衝」或「no way聰」,因他們認為盧偉聰「軟弱、唔夠硬,唔去撑佢哋去打。」而退休警司劉達強又在網上留言指盧偉聰不是「戰將」,「咁咩叫戰將啫?咪啫係主張去打 囉。」羅先生反問,「父母教仔女呀,郁啲就打,會有啲咩後果呢?」

羅先生亦指,警員角度往往認為「警權不容侵犯」,有「衝親警察,遊行示威就係擾亂公安」的主觀觀念,加上平時的怨氣,「呀Sir話打就順便投射埋落行動上面,整整下個個就群情洶湧,躍躍欲試去磨拳擦掌架啦,呢個好悲哀呀真係。」
對於當晚有警員掟磚對示威者還擊,羅先生直言處理不當,但一切發生於電光火石間,在自身安全下「理智有時放埋一邊」。

另外,他亦指當晚有警員向天鳴槍做法不當,警例有明確列明警員不能向天開槍,因亦有可能造成死傷。
那警員當晚是否失去自制力?羅先生直言「唔止當晚」:你見一開始喺砵蘭街就已經扑頭,你睇youtube睇到好多佔中時候既片都睇到。」他亦指,不是所有警員都會如此處理,但主觀角度上會認為衝擊警察就是不對,是搞事。

他續指,警員「唔知道呢個社會發生咩事」,例於自己巡邏時和同儕路過愛港之聲 高達斌於西洋菜街的街站,「同佢講又唔知呢個係高達斌,又唔知呢個係689,可知佢哋既常識、對社會既留意程度有幾多呢?成日傾開都話,個社會好差咩?佢 哋唔知道梁振英做事就係要分裂香港社會。」

 

邱先生曾有31年差齡。

邱先生指,除非開槍是為了保護同僚,否則不可胡亂開槍。不是怕開槍,因只是「依法執法」,但「最驚係新聞界輿論壓力壓迫我哋警察..做到開槍警察畀人擺上枱,要告佢謀殺」,所以有規定,「如果拔槍,一定要向住目標打,不能向天開槍。」

他亦指,警例和警察教官都向警員表明不能向天開槍,「但你拔槍之後一定要向對方發出口號,警告過佢,佢再重犯或警告無效時,一開槍就保護他人、保護自己,所 以盡量唔好開槍。」但他亦指向天開槍合理,「做法絕對啱」,「你想一個人死,定想佢唔死呢?」但對於當晚警員或違反警例,邱先生指,「警察通例就唔講合理 既。要講返當時心情嗰樣嘢,你自己點做法。」

但他續指,盧偉聰應支持該名開槍警員,但批評他「口口聲聲話睇片段,都唔撐呢個伙記,我都唔知幾嬲。以前個曾偉雄係撐到足架。唔撐呢個伙記,啫係想個伙記死。」

邱先生認為,警方當晚使用的武力不足夠。對於有警員以掟磚還擊,他說「(示威者)攞磚頭掟我呀嘛,咁我唔通走過去同佢打咩?佢遠距離架嘛。」他又指當晚應放 催淚彈,但認為在雨傘運動後,可能上級有給予下屬壓力,不可使用催淚彈,「所以我哋既伙記鵪鶉咁既樣,係咁比人掟、叭喺度比人打。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、高福慧、林詠雯、王磊

專題分類:新聞熱話
發表評論

最新專題