閉上眼看電影
2016-02-15

香港盲人輔導會在2009年引入口述影像服務︰在電影播放期間,口述員會在對白跟對白之間,加入旁白,把視障人士睇唔到的畫面用聲音勾勒出來。



閉上眼看電影

口述影像員Clara說,要說明到劇情發展,又不要干擾到電影內容,秘訣係做足功課。︰「真係要好多預備工夫架,盡量都唔想、紮住佢啲對白啦;或者音響都唔 想架,因為我都想啲視障朋友成套戲嘅戲氛,因為音響都影響到個戲氛架。照我自己嘅經驗,大嘅會用七十至八十個鐘囉準備一套嘅口述影像。」

在外國,口述影像的應用十分普及。很多文娛機構即使不是播電影,不論是文學類、甚至是平面展覽,只要是有畫面的活動,就會有口述影像員支援。她們的做法是在 觀眾報到時,會詢問他們需不需要耳機。口述影像員會透過耳機敘述表演內容,這樣的做法,除了為保障殘疾人權利,還是為讓參與者有選擇,例如︰有些參與者當 時精神不佳,那可能會需要這項服務。

香港盲人輔導會項目統籌周小文指,及至2015年嘅12月底,該會已經舉辦了198場次電影口述影像電影導賞會,而參加嘅人次亦都已經達到過萬一萬零四百。

無論係Clara 定係小文,努力堅持做好口述影像的電影導賞服務,都只因相信,看電影,是每個人的基本權利。

殘疾人權利公約第三十條︰
締約國確認殘疾人有權在與其他人平等的基礎上參與文化生活,並應當採取一切適當措施,確保殘疾人:獲得以無障礙模式提供的電視節目、電影、戲劇和其他文化活動。

散場後,我們找了左兩位視障人士傾下計,包括有好深戲癮的明哥︰

「我呢之前係開眼人來丫嘛,由於交通意外都失明左都四十年,以前就未盲之前就經常睇影啦,無論西片又好,本地嘅邵氏製作嘅電影都好啦。由於失明左之後冇睇左幾 廿年,盲人扶導會又重新做返口述影像呢個服務嘅時候呢,咁我又再睇返重拾以前嘅興趣,咁呀個嘅感受係好大嘅,好大嘅衝擊」

(最鍾意係哪一套電影呀?)

「《五個小孩的校長丫》,好感動呀,可以親自去戲院個音響又好,個劇情又好好感動,咁全場都好感動,好多人都喊,流眼淚咁樣,(咁你自己有冇流……)
都有呀都有呀,哈哈哈哈,成包紙巾都用晒呀」

和明哥唔同視障人士Simon「睇」戲除左係為娛樂,更是為了認識一個佢從未見過的世界︰

「我係從細到大都睇唔到,咁細個好多時睇周星馳電影呀,可能有啲位置有啲場景轉左,可能又講講下突然呢對人又講到去另一到,我問屋企人『而家講到邊架』,屋企人好多時會答你『你睇落去咪知囉』,咁變左其實你就本來好有心機去睇嘅,都變左慢慢唔知做緊乜」

「我覺得電視或者電影是令我接觸這個世界的另一種途徑,口述影像令令到我地認識呢個世界嘅機會加深左囉,教我地用另一個角度去欣賞呢個世界。」

(最鍾意係哪一套電影呀?)

「我最深刻嘅係兩套電影,其中一套就係《那一天我們會飛》,口述影像員的聲線好帶動到我啦, 例如「鳳芝攞起蘇博文送俾佢嘅獎盃,感動到流淚」咁樣咁先算啦,咁你就明白啊!當時原來當時博文好暗戀佢嘅,只不過係獎盃底寫左啲字,到到十幾年後鳳芝回 到學校才知道。你會明白啊原來愛情唔係平時所講嘅剩係肉肉麻麻,喊苦喊忽嘅,原來裡面咁深嘅層意嘅咁樣囉。」

新一年,佢地初十又有新戲睇啦,但問到佢地有咩新年願望,卻仍離不開睇多點
好戲呢個心願︰「其實我就貪心啲嘅,我就直情上套套野都有口述影像嘅,姐係唔需要我地去揀你明唔明呀?揀係對於我地權利來講一種剝奪囉。
下次看電影時候,如果你能夠嘗試閉上雙眼,在無光的世界中感受一下,你聽到的,除了是電影的台詞,會否還會有一班視障人士渴求「睇戲的心聲」?

製作:高福慧

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、高福慧、林詠雯、王磊

專題分類:特備製作
發表評論

最新專題