侯志強、林偉強為組黨風波解畫(足本片段)
2016-04-07

上水鄉事委員會主席侯志強牽頭成立「新進步聯盟」,稱希望鄉事派自行組黨可為鄉紳發聲。昨日27個新界鄉委會,其中15個鄉委會的代表召開記招,表明反對有人用鄉議局名義組黨,侯志強與其他聲稱「自發到場」的鄉紳「踩場」示威。侯志強與鄉議局副主席林偉強今早出席《千禧年代》節目,討論鄉事之間的分歧,第二節電話訪問帶領召開記招的沙田鄉事委員會主席莫錦貴,與侯志強隔空對質。

即睇節目足本片段:

討論精華:

1. 昨日記招變成對質,是否代表鄉事派分裂?

侯志強:冇分裂,尋日係溝通。我組黨係我侯志強嘅事,與鄉議局無關。

莫錦貴:尋日係一個溝通咩?我一講嘢就俾人鬧,又俾人噓,其他人仲邊度夠膽講呢?如果唔係用鄉議局名義就冇事啦。如果對鄉議局有傷害嘅話我哋一定出聲。

林偉強:既然佢哋而家冰釋前嫌咗,都係一件好事。

2. 為何林偉強昨日出席記招?

林偉強:係因為收到15個鄉委會主席邀請,認為有責任要出席,出席是希望能夠聆聽各方意見,對侯志強組黨沒有抱持立場,只要不抵觸《鄉議局條例》(本港法例第1097章) 有關禁止以鄉議局組黨的條文就可以。亦要考慮組黨或影響與其他政黨關係。

侯志強:其實唔係今日聽到強哥咁講架啦,如果唔係得到佢哋啲祝福,我唔會咁大膽去做啦。

3. 發叔是否知情?

林偉強:比較少同佢聯絡,佢屋企人希望我哋盡量唔好騷擾佢。未聯佢有關新進聯嘅事。

侯志強:約一個月前探過發叔,當時問過佢支唔支持組黨,但佢㗋嚨痛講唔到嘢,我就問佢如果支持就捏一下我隻手,唔支持就放手,佢捏咗好幾下。

 

相關內容:

【千禧年代@20160407】侯志強:發哥,我哋搞黨,你支唔支持?

【發叔加持?】侯志強喺《千禧年代》話,請示過發叔支唔支持自己組黨,但當時發叔喉嚨唔舒服,有口難言。侯志強靈機一觸,建議發叔若支持組黨,就捏緊他手。結果係點?#RTHK #香港電台 #香港電台公共事務組 #侯志強 #劉皇發 #鄉議局 #新進步聯盟 #組黨風雲====================================================立即讚好「#香港電台公共事務組專頁」,並設定為「搶先看」(See First)!

Posted by RTHK 香港電台公共事務組 on Wednesday, 6 April 2016

【千禧年代】

香港電台第一台FM92.6 星期一至五 08:00-10:00

監製:林嘉瑜
環節:劉善茗、郭芷珊、司徒博文

【千禧年代】葉冠霖主持,鼓勵聽眾作有觀點、有理據的意見交流,藉此帶出更多新觀點、新意見、新態度。
透過時事速遞,每日早晨為廣大聽眾提供最新資訊以迎接新的一天。

專題分類:新聞熱話
發表評論

最新專題