空勤人員總工會:梁振英錯過向市民作正確示範的機會
2016-04-07

有報道指,特首梁振英幼女梁頌昕上月在機場入閘後才發現將手提行李遺留在機場禁區外,後來特首致電國泰公司職員並向職員施壓,最後機管局「特事特辦」,跳過親身認領及重新出境的正常程序,將行李直接送入禁局給梁頌昕。



空勤人員總工會:梁振英錯過向市民作正確示範的機會

香港空勤人員總工會總幹事吳敏兒在《自由風自由Phone》指,「咩原因都好,你漏低咗嘢喺出面就係漏低咗囉,一係就放棄嗰件物品,一係就等你既旅程完結,返嚟再睇下失物認領搵唔搵得返,再唔係就係『先出境再入境』既做法」,「正常程序冇可能發生」上述「特事特辦」情況。

她 整體安全與保安原則是一條重要的底線,每間航空公司都會視之為最高條件,「係要由地下去到天上面配合,先至做得到既一樣嘢」;如有任何危險﹐將禍及機上所 有乘客的性命。假若有人挑戰這些界線,就算該人權限有多大,都不可能承受到衍生的結果。她形容,今次事件是對相關機制很大的破壞。

據報道指 出,梁頌昕的手提行李最後亦有通過安檢。這個做法是否會令人比較上安心?吳敏兒仍覺得「唔多對路」:「因為所有政策係一視同仁架。客好、所有人都好,你坐 得呢架飛機,嗰個對待要一樣架。如果佢有一個唔需要經過大家都要經過既安檢既特別渠道去做另一個安檢,咁其他客都咁做啦...我諗對其他乘客都唔公平 啦。」她亦以飛機遇上突發事故為例,「冇可能你既身份、係邊一個,唔通我話到緊急既時候我唔比你跳嗰條(緊急)滑梯咩?『你唔好跳住,你唔好跳住,你坐下 先』咁呀?」

她續指,今次事件會令業界將來更難處理類似情況:「第時再有客hold住機門話唔比我哋閂、我漏咗個袋喺出面,你依家搵人拎比我啦。特首都得啦,點解我唔得呀?」她認為,梁振英錯過了向市民作正確示範的機會,還要在今天傍晚發表的聲明中對其避而不談,無助解決問題。

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、林詠雯、王磊

專題分類:新聞熱話
發表評論

最新專題