【橫洲發展】侯志強:自己從無霸官地
2016-09-16

申訴專員批評地政總署縱容違規佔用官地,包括新界有露天茶座佔用官地長達二十年。

上水鄉事委員會主席侯志強在《自由風自由Phone》指,自己從來沒有「霸地」,「由我識講話到家陣,我都係話霸人嘅嘢唔啱嘅。呢個世界最緊要公道架嘛。」「人哋『撩』我好多黑材料,『撩』唔『撩』到我霸咗兩吋地方?『撩』唔到吖嘛。」

對於有其他鄉事派人士涉嫌「霸地」,侯志強不評論個別事件,認為霸地的亦不只鄉事人士,亦有非原居民。「我哋唔可以單單『啄』住呢啲鄉事(派)就係十惡不赦嘅大魔頭。」他説,無論誰人霸地都是不對,「呢個世界文明架嘛,用一個『霸』字,如果有法例嘅,拉去槍斃囉。」

元朗區議員李月民早前指,有建築師﹑律師﹑退休地政總署人員做鄉事派智囊團,研究將非法佔用土地「合法化」以爭取最大利潤。侯志強回應指,「鄉議局的確係一個為市民做事嘅團體。咁你如果話入面有人幫人去霸地,然後將佢合法化,有咩短期租約申請到,我都想搵人幫呀。但到今日我都搵唔到喎。」「如果有,我都想喎。我都想搵人槍斃吓架嘛。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰徐家健、李兆富、何濼生、任建峰、張楚勇 (2016年7月1日起)

監製:陳燕萍

製作團隊:唐偉傑、黃曉玲、林詠雯、王磊

專題分類:新聞熱話
發表評論

最新專題