伍婉婷:無預計會影響到巴士車長
2017-02-20

有巴士車長被指無於正確泊站上落客而被票控。灣仔區議員伍婉婷承認,曾於區議會提出車長應埋站才上落客。而九巴職員權益工會理事長李國華表示,經常有的士違泊巴士站,令巴士無法埋站。



李國華在《千禧年代》引述被票控的車長指,當時警員向他說有區議員投訴,有巴士不正確埋站,導致交通擠塞。李國華質疑,「點解要針對巴士車長呢,銅鑼灣SOGO門口平時經常擺死車擺的士排隊,咁巴士點埋站,點解你唔清的士,清理違例泊車個啲。」

李國華又說,以往在繁忙時間時,知道市民急於上班,因此即使未埋站,而前面巴士又正上落客,都會開門讓乘客先落車,「如果等埋站要4-5分鐘,無理由令乘客鼓燥,真係多謝個位區議員啦,我地要逐架埋正站先上落客,難講延誤幾多時間,如果警察清哂巴宜站違泊車輛,時間都唔係差咁多。」

伍婉婷回應說,無預計到在區議會討論交通問題都會影響車長,對此感到抱歉。她解釋,當日討論並非投訴車長,「我亦有在區議會提出巴士埋站先上落客,但前設是針對銅鑼灣SOGO情況,要求警方加強執法,驅趕阻巴士其他車輛,例如的士,如果你趕走的士,巴士埋到站。」她又說,當日同步提出了很多建議,例如考慮將SOGO門口對出劃出禁區,以及要求警方執法趕走非巴士車輛,例如的士,她會向警方了解。

李國華反駁,曾翻聽區議會錄音,指伍婉婷曾指控巴士阻塞路面,「伍議員好似失憶咁囉,而家反口話無針對巴士,我聽哂你講巴士阻塞路面導致交通擠塞,係你講既,所以你要澄清,點解你淨係針對巴士車長。」

伍婉婷承認,曾說過李國華所指的說話,是她提出解決交通擠塞的其中一個建議,她強調,當日於區議會上,曾提出要加強的士違泊執法,再次就言論對車長帶來影響表示歉意。

李國華回應說,伍婉婷需要負責任,希望她公開出來道歉,否則工會不會就此罷休。


【千禧年代】

香港電台第一台FM92.6 星期一至五 08:00-10:00

監製:林嘉瑜
環節:劉善茗、郭芷珊、李偉欣、蕭洛汶、袁梓珮

【千禧年代】葉冠霖主持,鼓勵聽眾作有觀點、有理據的意見交流,藉此帶出更多新觀點、新意見、新態度。
透過時事速遞,每日早晨為廣大聽眾提供最新資訊以迎接新的一天。

 

專題分類:新聞熱話
發表評論

最新專題