葉劉淑儀點評特首候選人論壇表現
2017-03-15

三位特首候選人昨晚出席七間電子傳媒合辦的特首選舉論壇,首次同場辯論。
不夠票入閘的新民黨主席葉劉淑儀對《自由風自由Phone》指,昨晚辯論未就政制及房屋等重要政策範疇昨深入討論,一方面為時間所限,另一方面是候選人之間互相推卸責任,並感到可惜。

對三位候選人表現,葉劉淑儀有何點評?

 



她形容,曾俊華昨晚自然誠懇,說話亦比想像中流暢,令她訝異:「平時好多人話佢『鬼佬曾』,成日口窒窒,但明顯做好訓練,包括準備好『撕裂2.0』等金句,在「政治傳播」上做得較好。」

林鄭月娥表現又如何?葉劉淑儀指,林鄭如一貫熟書,但其團隊「或未教識佢減低『官氣』,都係『官氣』重啲,所以市民好感低。」例如她回答「港獨」問題時較官腔,只道「港獨無空間」,但沒提及港獨思潮形成的深層次理由。

那候選人應如何回答?葉劉淑儀有以下建議:「要比較表示理解為何香港近年多咗呢啲分離情緒,我相信真正支持港獨的只佔少數,但政府起碼要表示理解,點解呢啲事會發生。」

葉劉淑儀又認為,林鄭的「辭職論」是重要失言,「第一會俾人係咁算帳…另外亦顯示佢冇足夠管治決心。做特首要迎難而上架嘛,人人都知 (民望) 係高開低收架啦。」

葉劉淑儀又認為,林鄭月娥在與曾俊華的交鋒佔上風:「正式交鋒、聲疊聲時,曾俊華係佔下風既。你睇到佢頻頻耷低頭睇稿。」「林太係佔上風,但有時佔上風又唔代表市民喜歡。市民同情弱者架嘛。」

另外,葉劉淑儀形容胡國興「疲態畢露,後勁不繼」:「攰啦,攰啦。佢老人家捱到咁既階段好難得架啦。佢法官嚟架嘛,係判案啫,但對管治咁多範疇始終都係唔熟既,勇戰到依家都難得啦。」

若是葉劉淑儀昨晚自己踏上台板,她又會採取甚麼策略?她笑指不知道,只可見招拆招:「但因我是唯一民選議員,我會比較懂在市民角度看事情。與他們官員之間互相算帳不同,我會比較站在市民角度算帳。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰黃岳永、陳婉嫻、李卓人、張國華 (2017年1月2日起)

監製:鄭婉薇

製作團隊:唐偉傑、黃曉玲、林詠雯、王磊、陳顥之

專題分類:新聞熱話
發表評論

最新專題