馬平龍:街市「人雞分隔」有改善空間
2017-04-04

政府就「香港活家禽業的未來路向研究」展開兩個月諮詢,顧問報告建議毋須禁止活家禽進口或零售,並提出數項可行及有效減風險措施,包括加強在零售點「人雞分隔」、搬遷長沙灣臨時批發市場至上水虎地坳等。有雞販表示,零售層面「係有個改變空間,可以做得好啲」。

本身是雞販的港九雞鴨行職業公會副主席馬平龍在《自由風自由Phone》指,目前所有街市都有做人雞分隔,「新式街市有冷氣、成塊玻璃,市民完全接觸唔到(雞),只會望到;舊式就有塊膠板,原則上都做到人雞分隔」,但承認有改善空間,「最好成個街市拆哂佢、裝哂冷氣、獨立通風」,「短期就膠板加多一兩吋、整欄杆」。他說,「呢啲地方喺咩可以做好啲,就要慢慢商討」,要做好諮詢,「唔只雞檔,旁邊啲菜檔、肉檔都要諮詢」,因為「一停個街市就三、四個月,唔係工程」。

被問到是否要求政府資助翻新公眾街市,馬平龍說,這是政府「應該的」,「我係租舖嘅,舖唔係我嘅,政府就承受返係好應該」,但如果政府指要雞販自己負擔,就要再商討,「政府用咩理據我哋要知」。

活雞批發商商會會長連德興則不贊成搬遷家禽批發市場,因上水虎地坳偏遠,物流處理有困難,亦不方便零售商選購,又認為政府應等待內地活禽檢測結果及確認沒感染病毒才送到批發市場,免本地活雞受感染。

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰黃岳永、陳婉嫻、李卓人、張國華 (2017年1月2日起)

監製:鄭婉薇

製作團隊:黃曉玲、林詠雯、王磊、陳顥之

專題分類:新聞熱話
發表評論

最新專題