【中國點點點──閒話粵語#4】粵語方音大不同
2016-11-25

上回提到,明朝嘉靖年間嘅《廣東通志》記載明朝時期廣東嘅「火星文」,左拼右砌,合成出當代獨有嘅廣東文字,稱為粵語嘅「俗字」。



《廣東通志》點只收錄奇文怪字?廣東大小城鄉數之不盡,各處人民都發展出屬於自己地區嘅「方音」,一出咗廣州省城,就可能同省城「正音」有分別,香港城市大學中文及歷史系教授程美寶就介紹,喺香港人熟悉嘅東莞,當地人稱呼自己住嘅地方,叫「洞觀」。難怪到今時今日行走廣東,你知道佢唔係講緊普通話,而係粵語,但係溝通,仍然有啲困難。

廣東話有九聲,除咗造就不同嘅「方音」,亦令講廣東話嘅人,成日好似唱緊歌咁。程美寶教授就話,《廣東通志》收錄咗一首廣東人流傳多年嘅詩句,出自明朝嶺南大思想家──陳白沙嘅手筆,盡顯廣東話可供誦唱嘅特質,一齊聽吓程美寶教授嘅介紹。

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、唐偉傑、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題