施政報告前瞻︰房屋篇
2017-01-16

政綱第三項:盡快檢討政府的中、短期規劃,更改土地用途,興建房屋。

政綱第四項:就中、長期規劃繼續物色和提供新土地,建立土地儲備。

港大學房地產及建築系主任鄒廣榮,2012 年提名梁振英選特首。他話政綱上有關土地供應的雖然落實了,但無解決香港唔夠地的問題。「歸根究底都係土地供應不足,十個茶壺五個蓋。但要增加土地供應呢,今時今日就並非易事。」

 



中期方面,政府想透過改劃社區用地同埋綠化帶來起樓,但同樣不得要領。改劃工作有幾困難?前立法會議員謝偉銓︰「參考發展商的發展周期,要過城規,然後申請改契,跟住計算要補幾多地價,你覺得地價合理即刻答應。生地變到熟地起埋起碼要十年。」

埋單計數,最新《長遠房屋策略》話,2017/18年起的未來十年,土地供應與建屋目標落差進一步擴大,現時尚欠4.4萬個公營單位的所需用地。

 

政綱第七項:選擇符合中產住屋需要的土地,在售地條款中規定建成後只可售予香港居民

謝偉銓:「個意念上係好,但香港人對房屋需求好大,供應相對好少,其實係幫唔到的。」

不能增加供應,政府轉而控制需求,推出辣招,效果又如何呢?鄒廣榮:「BSD其實係最有效,亦都可能要保持一段好長既時間,因為外來既需求我地完全唔知有幾大。」

埋單計數,中產置業易左定難左呢?差餉物業估價署的私人住宅售價指數,2012年7月梁振英政府上場,當季指數為206.1點; 2016年7月樓價指數為281.7點,升36.7%。

 

行政長官競選政綱第十二項:全面勘查劏房居住情況,並提出長遠和全面解決問題的政策。

2013幾年來加強執法,要全面取締工廈劏房。統計處去年數字顯示「劏房」數目最新數字是89,000個。排隊上樓成為大部份基層改善居住環境的盼望。

曾在政綱上承諾,5年內建75000伙公屋,政府承認無法達標,預計五年內的公屋落成量比長策十年建屋目標首五年建屋量少32.5%,謝偉銓:「這其實係十年目標來的,你一屆做五年,仲有五年。所以客觀看,佢係有開始做這一樣野,亦都有啲成績。」

特首的成續表上房屋的一欄要打一個怎樣的分數,相信你應該心裡有數。鄒廣榮:「誠意方面應該係好高分既,即係90以上的,但成效呢?我諗係60分。」

謝偉銓:「其實即係要處理這個咁複雜既問題,同埋有咁多外來走出來既因素我覺得CY其實都係做到唔錯,問題是來屆政府係有冇咁既勇氣去繼續,黎明前係最黑暗。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰黃岳永、陳婉嫻、李卓人、張國華 (2017年1月2日起)

監製:鄭婉薇

製作團隊:唐偉傑、黃曉玲、林詠雯、王磊、陳顥之

 

 

專題分類:新聞熱話
發表評論

最新專題