【中國點點點──閒話粵語#47】日常生活學衛生
2017-09-22

晚清教育家陳子褒提倡在各方面改變中國文化,從語言文字到公眾衛生,再由待人禮儀到書寫用具,各方面都有規範。一啲我哋依家「俗語」用到嘅字眼,陳子褒都有明確寫喺教科書上,逐一陳列出來教導學生。



程美寶喺過去兩集講到小朋友學衞生嘅情況,今集都會繼續講當年嘅衞生標準,都喺小朋友學禮儀嘅一部分。

《幼儀第四》

「衫須勤洗,鞋莫撻睁,
臨睡之時,換過衣裳,
朝早起身,刷牙洗面,
多洗多刷,乃得光鮮,
人之口水,本係污遭,
勿吐在地,吐在痰壺,
若無痰壺,忍而勿吐,
有時吐出,以鞋擦之。」

小朋友學嘅「勤洗衫」、「刷牙洗面」等呢啲,對現今嘅我哋黎講喺近乎常識既事,但當年陳子褒就將呢啲比較實際、好嘅標準寫出黎教導小朋友。

程美寶提到可留意當中陳子褒用嘅粵語詞彙,例如:「撻睁」、「污遭」等,都喺一啲較淺白嘅字,而且當中嘅教導喺反映左當時嘅社會文化。就好似:「有時吐出,以鞋擦之」,其實喺因為以前嘅泥沙路同依家唔同,所以就會教小朋友「以鞋擦之」。


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、王 磊、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題