【中國點點點──中國趣聞】內地頂級富二代 金句被網民惡搞
2014-07-18

「世態縱未如意,亦必需直往,成功需苦幹 ~ 」 ── 譚詠麟 《成功需苦幹》

「成功需苦幹」是香港著名潮語,與「成功需父幹」同音,用於嘲諷靠父蔭打本做生意、卻自命因勤奮才能成功的富二代。無論在香港或內地,富二代都無處不在。香港方面有商界太子黨蔡加讚做代表,而內地都「唔執輸」,出咗一個「頂級富二代」王思聰,幫內地人爭番啖氣!



王思聰出身名門,父親為中國首富萬達集團董事長王健林,是去年福布斯中國富豪榜的中國首富,身家高達860億人民幣。一句比個仔「投資練手」,王健林就擲下5 億給王思聰開了一家公司,更表示不在乎王思聰賺不膁到錢。你哋話啦,王思聰係唔係「成功需苦幹」既完美化身先?

王思聰早前接受雜誌訪問,講咗吓佢對Daddy嘅睇法,同埋交朋友既準則。家財萬貫既王思聰,自然有資格講呢啲: 「我交朋友不在乎他有錢沒錢,反正都沒有我有錢!」

呢句說話一出街就成為金句。內地微博網友將呢句說話惡搞再惡搞,用「我交朋友不在乎…反正都沒有我…」以下為供各位參考既造句範例:

 

網民:「我交朋友不在乎他有錢沒錢,反正都沒有我窮!」

尖東忌廉哥:「喵,我交朋友不在乎他肥唔肥,反正都沒有我肥!」

愛因斯坦:「正所謂e=mc2,我交朋友不在乎他智商高不高,反正都沒有我的高!」

(模擬對白)

 

王 思聰既例子只係冰山一角,除咗佢一個富二代,重有千千萬萬個富二代。有微博網民嘗試分析富二代的遺傳基因,其中更有人讚賞王思聰夠率直,說話不轉彎抹角。 另外,王思聰的發言亦招來不少仇富批評,激起部份網民對呢份仇富情緒既反思,例如「中國人仇富的根源在於羨富」及「奴才本質」等等。

專題分類:中國熱話

最新專題