【中國點點點──中國趣聞】內地校長坐開篷名車「閱兵」
2014-09-26

一人有一個夢想,你既夢想係乜呢?有內地高校校長,就實現咗做領導人閱兵既夢想!



上星期五,安徽的新華學院有6000個新生齊集運動場,只係等「佢」既一聲令下 ───

「同學們好!」

咦?點解軍訓閱兵唔係講「同志們好」,而係「同學們好」?原來,呢間新華學院唔係一間軍校,而係私立高校;而向學生問好既係學校校長石秀和。

爆點在哪?原來石校長「閱兵」時,全程企喺一架車牌寫住「閱兵車」既黑名開篷名車上面!普通一間私校,何來咁多錢呢?更爆在於以下既一段對話:

「同學們辛苦了!」 「為新華爭光!」

「同志們」既回應已經唔係最常聽到既「為人民服務」,而係為學校爭光!睇嚟呢位校長已經被自己既「閱兵夢」洗哂腦啦。

 

好多內地傳媒都鬧爆呢單新聞,例如新華社話事件「有點權力僭越的意味」,解放軍報更指「軍訓重在提高學生的國防意識,不可借此炒作!」微博網民都有同感,指責石校長官癮太大、渣名貴開蓬車過於舖張浪費等等。

面對四方八面既壓力,間學校都「知死」,在網頁度刪除了有關的活動報道。安徽省的教育廳亦回應指,雖然這種形式並無違規,但不值得提倡。事件發生後,會對學校軍訓匯演等行為作出規範。

 


中國點點點星期一至五 下午三點至四點半

監製:鄭婉薇
編導:陸宇光
資料搜集︰唐偉傑

【中國點點點】鄭婉薇、陸宇光、劉銳紹、呂秉權主持,有點唱、點評、點擊。既可點唱、又融合國情、生活和通識,讓聽眾輕輕鬆鬆,每天對祖國知多一點點。

常設環節
星期一:點都要識法;C檔案
星期二:對談中國
星期三:閱讀中國;同聲同氣談天說地
星期四:點點評論;建築學堂
星期五:微博男周記;漫遊中國

專題分類:中國熱話
發表評論

最新專題