田北俊承認中聯辦有稱讚自由黨「做得好」
2015-06-18

政改議案表決期間30多名建制派議員離席。自由黨榮譽主席田北俊在【自由風自由Phone】承認,中聯辦有稱讚自由黨議員「做得好」,亦指中聯辦「亦搞唔清點解佢哋(離席議員)走哂」。

 

田北俊指,今日原來計劃五時投票,但建制派領導忽然改為十二時半,「自由黨都比佢搞到亂哂大龍,咪坐喺度投票囉!」他指,自由黨一直希望支持方案,一定會投贊成票。「我都係建制派有自己主意,由頭到尾都冇話過會離場,點知你會流會啫?」

被問及有沒有建制派怪責自由黨留在議會,田北俊指「叫人走嗰幾個囉,我依家怪責佢哋呀,邊個叫佢哋揸主意㗎,我哋建制派有主席㗎咩?」他亦指在建制議員離席時,whatsapp群組亦無通知,「冇人知咩事,理由又唔講,出到去先知原來係要等劉皇發」。他亦質疑為何要等待劉皇發,「橫掂都過唔到,如果田北俊遲咗啲嚟,你會唔會等埋田北俊?」

對於有三位身兼行政會議成員的議員離席,田北俊指應由有關議員自己解釋,表決歷史記錄上沒有離席議員的名字,「佢哋有排向市民解釋」。

 


【自由風自由 Phone】

星期一至五黃昏五至八  1872 311 始終如一

主持:陳燕萍、區家麟
評論員︰葉健民、黃均瑜、李律仁、關焯照

監製:陳燕萍
製作團隊:唐偉傑、黃雯娟、梁仲禮

專題分類:政制改革
發表評論

最新專題