譚耀宗:民建聯將人才輸出予政府 「同我地冇乜關係㗎啦」
2015-07-21

國務院公佈問責官員任免,由劉江華接替退休的曾德成出任民政事務局局長,張雲正接替因家庭理由呈辭的鄧國威為公務員事務局局長。

劉江華曾任民建聯副主席,有人質疑他與民建聯關係密切,可能會出現地區資源傾斜。民建聯立法會議員譚耀宗在【自由風自由Phone】表示,看不到會為民建聯帶來好處,「諗唔到有啲咩野對我地有特別傾斜嘅地方。」



他解釋,政府架構是多層次的,「唔係局長話哂事」。他又補充,商務及經濟發展局局長蘇錦樑亦曾任民建聯副主席,「等於蘇錦樑都做左咁耐啦,有啲咩傾斜左比我地呢?」譚耀宗說,民建聯輸出人才予政府,「去咗政府就係政府嘅人才㗎啦,同我地冇乜咩關係㗎啦。」

行政長官梁振英指劉江華擁有豐富的地區工作經驗,因此最適合擔任民政事務局局長。譚耀宗認為,由與地區人士熟絡的人出任民政事務局局長是好事,「好過你搵一個乜都唔熟嘅人出嚟。

2012年,劉江華在立法會選舉超級區議會議席落敗,同年12月獲任命為政制及內地事務局副局長,如今更升任為民政事務局局長。譚耀宗表示,劉江華在擔任副局長期間,「大家都對佢冇咩批評」,「佢都做得有紋有路」,所以有機會更上一層樓是好事,「政府入面有啲人經過選舉洗禮都係一個好好嘅經驗」。

被問及少批評是否因為表現不活躍,譚耀宗認為劉江華過去經常出席立法會會議,又回答議員提問,其可以勝任局長一職。民政事務局局長除了處理地區事務外,亦要處理文化、體育等政策,而劉江華並無相關經驗,譚耀宗說:「佢下面好多人幫佢架嘛,有副局,咁大隊公務員,唔需要擔心。」

 

相關內容:

前公務員事務局局長鄧國威向行政長官呈辭,鄧國威表示,由於一些預計不到的家庭理由而要退下,需要更多時間陪伴家人。至於前民政事務局局長曾德成亦發表聲明,指「樂意現在退休」,但無交代具體的退休原因。詳看:...

Posted by RTHK 香港電台公共事務組 on 2015年7月21日

 

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟
評論員︰葉健民、黃任匡、戴希立、關焯照

監製:陳燕萍
製作團隊:唐偉傑、黃雯娟、梁仲禮、黃曉玲

專題分類:新聞熱話
發表評論

最新專題