【港大風波】彭泓基:昨夜會議充滿「仇恨、不滿、恐懼」
2015-09-02

香港大學畢業生議會召開特別會議,討論六項由校友提出涉及副校長任命的無約束力議案,投票結果今午公佈,港大校友關注組提出及支持的5項動議都獲高票通過。「支持十大院長聲明校友組」發言人彭泓基在【自由風自由Phone】中表示,會議中校友帶偏見,「大家都係講學術自由、院校自決,點解第三個動議會過唔到?」(按:第三條動議為該校友組所提出「認同和支持港大十位學院院長在7月30日發出的聲明」議案。)

 

昨晚的特別會議先由每個提案單位以五分鐘介紹議案,再即場抽出54名校友每人發言兩分鐘,彭泓基認為,會議並沒有足夠時間真正討論每一個議案的真正含意和內容,「尋晚嘅氣氛係(意見)啱嘅話就拍掌,唔啱就噓,主席都叫人唔好嘈人哋要講嘢,而發言者都唔係講動議係做咩嘢,成日一講就陳文敏,同我哋個動議有咩關係先?」



 

港大校友關注組召集人葉建源認為大家有情緒反應好正常 ,「係英國國會辯論,都有人拍下手,在會議上要禁止情緒反而有問題。」港大畢業生議會主席溫頌安為大會總體秩序良好感到欣慰,「有試過舊生在台下有噓聲,能力範圍下有制止,而突發性的掌聲,spontaneous咁拍手,呢個唔需要停止,係議會精神嚟,總之唔會影響到流程就得。」

溫頌安不認為是次事件反映校友間有撕裂情況,「我感受到團結一致精神更深,咁大嘅團體撕裂都好難」;彭泓基則指,很多人叫自己「唔好搞咁多嘢」,形成很多壓力,並不健康,他回憶昨晚「最大感受是感覺到充滿仇恨、不滿、恐懼」,又指「陳文敏嘅任命都未確定,使乜咁緊張?」葉建源說,看到有不滿,但看不到互相仇恨,「昨日體現到團結氣氛,大都看到有威脅存在,有危機先令大家出嚟攜手面對。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟
評論員︰葉健民、黃任匡、戴希立、雷鼎鳴

監製:陳燕萍

製作團隊:鄭汝翹唐偉傑、黃曉玲

專題分類:新聞熱話
發表評論

最新專題