麥難民:有頭髮邊個想做癩痢!
2015-10-15

* 此報導獲「2016紐約節廣播節目大獎 新聞報導及特寫獎-人情故事 優異獎」

監製:林嘉瑜

採訪:司徒博文

 

麥當勞近年不斷在港開設「24小時營業」分店,除了全天候提供食物,亦成為一些露宿者的睡覺「天堂」。同類情況非香港獨有,海外傳媒將這類露宿者冠以「麥難民」(McRefugees)稱號。

 

香港既露宿者人數係過去幾年持續上升,截至今年一月底,全港已登記的露宿者人數為806人,單單係深水埗區既露宿者就有381人。部份「麥難民」乃在職人士,日出而作,日入就回餐廳疏洗休息。由於無法負擔高昂租金,或者因為各種家庭問題,而選擇快餐店為家。



呀明今年四十多歲,以深水埗麥當勞為家已經有數年:「無屋企返咪喺度過夜!」呀明父母已經過身,家有一姊一弟:「都唔知去咗邊嫁喇。」沒有家,為求一瓦遮頭,選擇留宿麥當勞。呀明表示經常被人驅趕,但已經習以為常:「呢間好似特別惡,好大聲,跟住拍枱拍凳。但俾人趕咪落返去,唔係樓上就留下㗎啦。」

呀明指這裡大部份「麥難民」無正職,但他間中都會當散工,賺取生活費:「搵到散工咪做囉,之前做過外賣同清潔。」要忍受不停被驅趕,何不租住籠屋或劏房?「真係頂唔順!起碼都要千五六蚊!又貴又有木虱,多都不得了,係咁俾嘢咬!」對「麥難民」來說,麥當勞的環境,可能比屈在籠屋更人道。

六十一歲的呀輝,是尖沙咀麥當勞的「麥難民」:「佢都認得我啦。」呀輝表示「住過」多間麥當勞,最後選擇落戶尖沙咀: 「梗係呢間叫OKAY,又靜!深水埗最衰,好多人喺度住。」呀輝生活簡單:「喺度瞓通宵,唔洗錢有冷氣,瞓唔到嫁,挨住挨住等天光,再喺公園坐吓又一日。」呀輝話麥當勞並非首選:「有頭髮邊個想做癩痢!住麥當勞,都係想唔洗交租過一晚啫!

 


【千禧年代】

香港電台第一台FM92.6 星期一至五 08:00-10:00

監製:林嘉瑜
編導:張璟瑩
環節:劉善茗、郭芷珊、司徒博文

【千禧年代】葉冠霖主持,鼓勵聽眾作有觀點、有理據的意見交流,藉此帶出更多新觀點、新意見、新態度。
透過時事速遞,每日早晨為廣大聽眾提供最新資訊以迎接新的一天。

專題分類:新聞熱話
發表評論

最新專題