高鐵工程爛尾是否一個選項?
2015-12-01

政府港鐵達成「封頂費」協議,但仍需向立法會追加撥款,若撥款被否決,高鐵工程有可能「爛尾」。立法會鐵路事宜小組委員會成員盧偉國在《自由風自由Phone》表示,工程不能「爛尾」,「變成爛攤子唔得架,都要錢埋尾架啦」,他認為車站始終要完成,難道「變成冒險樂園啊?」


盧偉國說,如果工程「爛尾」,「要使嘅錢都唔少」,如果突然喊停工程,承建商「準備哂物料,準備哂人,經濟上損失點啊?」,因此承建商有可能會索償,他認為計算起來,「都唔差多幾遠架啦」,所以「爛尾」不是一個可行的選項。

委員會另一位成員胡志偉則說,過去幾年,工程超支的問題往往都用不能爛尾的概念「逼立法會再泵水」。他認為,整個社會要認真思考,「我地係咪真係容許到政府用呢一招,唔知有心定無意,係最初預算講得唔清唔楚,到最後總係會超支。」
 
胡志偉又指,政府當日向整個社會承諾是高鐵能夠有一地兩檢,「如果冇一地兩檢,其實佢成個經濟成效已經係非常之存疑。」他又指,如果高鐵工程要再向立法會申請撥款,首先要澄清一地兩檢的安排,確保「內地執法唔會係香港出現」。

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰葉健民、黃任匡、戴希立、雷鼎鳴

監製:陳燕萍

製作團隊:唐偉傑、黃曉玲

專題分類:新聞熱話
發表評論

最新專題