蔡國威:如新投資者有現金 為何不解決欠薪問題?
2016-03-04

亞視股東召開記者會,股東代表何子慧即場展示一篋聲稱總值500萬元的千元鈔票及一張500萬元支票。

前亞視藝員蔡國威在《自由風自由Phone》直斥做法「好荒謬」:「我覺得有一篋銀紙,唔理有幾多錢喺裡面,咁有咩作用呢?你係想表達咩呢?你淨係想攞篋錢出嚟話你好有錢,但如果你有錢既話,點解你唔解決所有欠薪問題,而係show出嚟話『我有錢』。」

 

同場的劉錫賢則言,屬「鬧劇一場」:如果真係一個有良心既僱主...呢啲情況(金錢)絕絕對對應該要畀咗啲員工先,而唔係話好似依家咁,show完比你睇,然後重要好笑咁話『就放返入夾萬』。何子慧小姐講呢句說話時,絕對係ridiculous呀大佬。」

亞視新投資者司榮彬持有的中國文化傳媒早前指,希望能在四月一日,即亞視牌照到期前舉辦亞洲小姐競選。劉錫賢指,初時內部有續辦亞姐競選的想法,「當時大家重有雄心壯志,希望可以完成呢個歷史責任。但隨住葉家寶一月離職,呢個諗法已經冇哂架啦。」他說,亞姐競選現時「有少少爛尾」,因本來在二月中已完成所有賽事,但因為發生現時的風波,現在已全部取消。他指出,現時沒有人重提將呢個旗幟再舉起,以此為一個結束,「唉,依家所有人都已經解散哂啦,你重搵咩人同你搞呢?」

蔡國威則說「只可以冷笑一聲」,因當初負責競選的總監亦已使用10A條例離職,「嗱你總監都可以搵人嚟替啦,cameraman、lighting、收音,邊個幫你做呢?好啦,就算呢啲幫你做到好,你邊樣可以recruit返所有既女仔同你去選呢?啲海外佳麗,你點樣負責返佢既住宿機票呢?我真係想像唔到一句『你想四月一號搞』你點搞,你話係咪好可笑呢。」


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、高福慧、林詠雯、王磊

專題分類:新聞熱話
發表評論

最新專題