亞視前員工看舊公司現況
2016-03-08

亞視新投資者司榮彬旗下的中國文化傳媒今晨發聲明指,會向法院申請撤換德勤的臨時清盤人職務。有亞視前員工發表嚴正聲明,指對中國文化傳媒聲明感到極為憤怒和羞辱。 聲明撰寫人Chris在《自由風自由PHONE》表示,中國文化傳媒的聲明「荒謬」,又指亞視近期風波「成件事都好荒謬」,撰寫聲明全因「抑壓好耐」,「由王征年代開始被玩咗一年」,留守員工都一直謹守專業、崗位,甚至「俾網民話戇居」,故忍不住回應。



聲明撰寫人Chris 前亞視製作部副總裁趙汝強

Chris又表示,股東代表何子慧曾在員工大會承諾,司榮彬入主後會向員工發放所有欠薪,但結果欠薪情況持續,「未俾過一分一毫」,「仲調轉槍頭話德勤阻 住運作,是非黑白倒轉哂,將員工當成籌碼、犧牲品」。

對於早前股東召開記者會、即場展示一篋聲稱總值500萬的千元紙幣及一張500萬元支票,Chris說,股東表明該箱資金是用作節目製作,並無提及用作發 還薪金用途,「但所有人都知(股東)無心做製作」,「當400幾名被拖欠薪金的員工死既」,認為司榮彬入主「顯然有另外目的」,「搵新投資者、新替死鬼, 好似王征咁」。



對於早前股東一方召開記者會,代表何子慧即場展示一篋聲稱總值500萬的千元紙幣,以及一張500萬元支票,並指將其「送給亞視」,前亞視製作部副總裁趙汝強在《自由風自由Phone》有以下看法:
「如果拍成電影,有個編劇寫呢啲咁既情節上去呢,就一定畀人扔咗份劇本。講到冇人信呀!但事實擺喺眼前呢,就咩都發生哂出嚟啦。直情係成箱銀紙擺出嚟畀人影,我哋拍《賭神》、《勝者為王》先至有既啫,去賭show hand。你依家做咩啫。唉,真係無奇不有。有實力就出糧啦,唔洗捧箱銀紙出嚟啦!」

他認為,王征接手後亞視情況急轉直下有三個原因。第一,亞視不拍劇集;第二,王征做事只依個人喜好,「佢鐘意做嗰啲,佢就肯畀錢做;佢唔鐘意做嗰啲,你就唔洗開都得架啦。」最後,趙汝樂指,在王征主政期間,廣告起價提升了3.9倍。趙汝強自己亦曾就此向王征反映,「佢話以前啲廣告係爆哂棚呀,但平得好緊要架嘛,我依家廣告時間少咗,但收入係一樣嗰咗喎」,而趙汝強認為提升廣告只會令客戶離開,「整下整下咪走哂囉」。

趙汝強亦認為政府對造成亞視現況有責任。他質問,為何政府只對電影業給予資助,但電視業「乜嘢都冇」;另外,政府在亞視事件上的處理「好手軟」,「點可能畀一個人搞到一個電視台咁樣,政府都係按本子辦事。話『唔啱條例既話我會告你』,你咪告囉,亞視排哂大長龍啦,你告得嚟都四月一號啦。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、高福慧、林詠雯、王磊

 

專題分類:新聞熱話
發表評論

最新專題