伍嘉良:作為後輩,會尊重林建岳的評論
2016-04-04

電影《十年》獲得香港金像獎最佳電影的殊榮,寰亞電影老闆林建岳,認為該電影得獎是 香港電影界的不幸。《十年》策劃人及導演伍嘉良在《自由風自由Phone》中表示,「評論《十年》,無論佢用咩角度去評論,我仍然係open(開放)嘅,因為電影本來就係可以好主觀地去批評,用佢地嘅角度或準則去評定鐘意或唔鐘意套電影。」



伍嘉良:作為後輩,會尊重林建岳的評論

但如果在《十年》獲獎後,作這些評論,就關乎到「獎項的出現」。「如果個評審機制都係佢地信賴﹑相信嘅,好應該問返評審,投我地一票嘅人,佢地背後 用緊咩角度,咩準則去評一套電影。」他認為,自己作為後輩,對方以電影技術及票房等角度去評,他絕對尊重,「因為大家有各自去睇嘅準則」。伍嘉良指,不會 否認評審可能「有情緒地投票」,「可能佢覺得我地low budget(低成本)拍到啲野,所以支持」,不同評審的投票原因也不一,是很個體的表現。

以往曾有戲院再度播放獲「最佳電影」的作品。伍嘉良說,「當初冇得播,唔係因為冇人睇。」現在是否有更多原因使戲院再次播映,他自己也不肯定。
「套戲到落畫果日都係爆(入座率)嘅,如商業角度,我又覺得係咪都應該值得繼續考慮上呢?」他指,現時做很多巡迴播映,「搵緊啲路去滿足觀眾。」

他心目中的最佳電影又是哪套?「坦白講,如果我有票我會投《踏血尋梅》,因為唔同人都有唔同角度。」

 

相關內容:

【訪問重溫】香港電影金像獎協會主席爾冬陞提到,曾經有年青編劇問能否在講稿提及「十年」,他回應年青編劇指,「後生仔, 羅斯福總統講過一句話,我哋最需要恐懼嘅,就喺恐懼本身。」獨立電影《 十年 Ten Years》獲今屆金像獎「最佳電影...

Posted by RTHK 香港電台公共事務組 on 2016年4月3日

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰張韻琪、狄志遠、王蕙芬、張楚勇

監製:陳燕萍

製作團隊:唐偉傑、黃曉玲、林詠雯、王磊

專題分類:新聞熱話
發表評論

最新專題