【中國點點點──閒話粵語#3】明朝人講火星文
2016-11-18

之前都提及過,粵語源遠流長,變化多端,每個年代都會創出自己嘅「俗字」,唔同地區講粵語,又會形成唔同嘅「方言」、「方音」。 如果呢一刻,我哋一齊搭時光機,返去宋代同明代搵個講粵語嘅人傾偈,可能都會雞同鴨講?



香港城市大學中文及歷史學系教授程美寶喺《閒話粵語》裡面就話,廣東人原來好鍾意「造字」,將啲字上下左右拼砌。

舉個例,距今近1000年嘅宋代,一位北方人撰寫書目《嶺外代答》,裡面記載今時今日都有嘅「奀」字,今日我哋讀「UN」,當時原來係讀「勒」。

去到1561年,明朝嘉靖年間出版嘅《廣東通志》,收錄一系列嘅廣東俗字,「人」加「水」、「石」加「山」,究竟點讀呢?另外原來當時已經有人稱呼人哋做「散仔」、「大頭蝦」,但同今日嘅意思......係完全唔一樣! 即聽程美寶教授講答案啦!

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、唐偉傑、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題