【中國點點點──閒話粵語#21】拉長纏綿唱南音
2017-03-24

上集講到「摸魚歌」/「木魚歌」係唱好粵語嘅一種形式之一,而且由清朝早期已經出現,今集《閒話粵語》就向前行大約二百年,去到清朝中葉,聽吓另一種粵語說唱嘅模式──「地水南音」如何繞樑三日。



講到「南音」,顧名思義就係南方嘅音韻,泛指珠三角一帶,以粵語唱出嘅音樂,當中「地水南音」被視為正宗,亦有另一種變奏,稱為「龍舟」,杜煥、白駒榮都係南音演唱者當中嘅典範。

香港城市大學中文及歷史學系教授程美寶就提到,「南音」好好咁示範粵語當中「問字攞腔」嘅譜曲手法,亦即係「先詞後曲」,所以可以經常見到南音會透過「仄聲」及「平聲」,以及「上平聲」和「下平聲」的配合來寫詞,有一定的格律。

以《客途秋恨》為例子,呢首曲可以話係最著名、流傳比較廣嘅一首南音曲目,程美寶教授為我哋示範咗呢首歌嘅「起式」,亦即開首兩句。

涼風有信,秋月無邊 (上平,尺)

思嬌情緒,渡日如年 (下平,合)

留意呢兩句嘅最後一個字,先係第一句嘅「邊」,係「上平聲」,亦即工尺譜裡的「尺」音。

而第二句嘅「年」,就係「下平聲」,工尺譜嘅「合」音。

程美寶表示,南音大師會將南音拉腔,一句可以唱得好長,而佢自己嘅示範已經係屬於偏快。

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、唐偉傑、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題