【中國點點點──閒話粵語#36】清末的傳媒風骨
2017-07-07

過去幾集,《閒話粵語》分享咗唔少清朝末年嘅粵謳,主題都係諷刺官府所為,經新聞紙喺民間流通,當時身陷水深火熱之中嘅尋常百姓相當有共鳴。

官府並無袖手旁觀,試圖透過多種方式鉗制言論,當時嘅辦報之人如何回應?



程美寶教授指出,當時同盟會會員鄭貫公在香港創辦多份報章,包括《世界公益報》、《廣東報》、《有所謂報》,立場初時以反美為主,後來揭發有其他持相反立場,亦即反對「反美運動」、「拒約運動」的報章,誣陷「拒約運動」的宣傳人士。當時亦有人以巨款聘請匪徒,派遣至香港,意圖暗殺鄭貫公。

除了民間一些不文明的做法,官府亦以多種途徑鉗制言論,包括最容易的,查封在中國大陸的報館,亦會禁止在香港出版的報紙入口大陸,或者與港英政府聯絡,要求對方協助鉗制。

鄭貫公旗下的《有所謂報》刊登以下的粵謳,描繪當時中港兩地報界,面對官府鉗制的怒吼,當中可見報界當中有人已被官府收買。

《想鉗制報館》 作者:猛

(載於1906年8月11日《有所謂報》)

想鉗制報館,你膽大得咁交關。

若不是喪心病狂呀,邊處有咁蠻橫!

 

大抵報館一門,係人所忌襌。

維持公論,又試訐發邪奸。

直筆正書,何怕顯宦。

最恨有啲把官場巴結喇,一任人彈。

 

程美寶教授說,以上一段就正正顯示當時不同報館立場兩極,有一些堅持理念的報人會「維持公論,直筆正書」,把官府的惡行盡陳。亦有一些人愛巴結官府,放棄新聞人的天職。

 

若係天職稍知,就唔肯將佢亂讚。

佢既係為民公敵,一定要把罪狀來頒。

 

捨得個個都噤若寒蟬,就可以唔把報辦。

你既係畏人清議,就咪咁冥頑。

天下不韙嘅事情,就唔好去故犯。

 

唉!

防住撞板,要聽人勸諫。

睇吓三千毛瑟呀,莫當為閒。

 

最後一句的「毛瑟」,是一位德國槍械設計師的名字,程美寶估計,最後一句是指當時民間坐擁三千「毛瑟槍」,呼籲官府不要少看民眾的實力,隨時造反,推翻政權。

為民請命,抑或為官喉舌,或者都反映當時不同報人在思考如何救國時候的抉擇。亦締造當時難得一見的報界「百花齊放」奇境。

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、王 磊、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題