【中國點點點──閒話粵語#39】中文堂教你做家務
2017-07-28

上集提到喺民初時期,廣東一帶嘅學校都逐步跟隨新式文化,教授學生中文,形成一套真正嘅用廣東話教嘅「母語教育」。

聽完上集,大家有冇去嘗試搵返細個第一本中文堂課本呢?今集,程美寶教授繼續同大家回憶。



澳門廣播界前輩梁送風唔只記得「細時好」呢篇課文,仲有一篇將德育融入中文課嘅短文,佢都印象深刻。

「早起身,下床去,

先灑水,後掃地,

開窗門,抹枱椅。」

──出自《婦孺三四五字書》

 

程美寶教授話,喺1940年左右,梁送風大概七、八歲,喺番禺鄉下嘅「卜卜齋」讀書,但係,梁送風唔鍾意,皆因「卜卜齋」由八股文老師教,經常打學生手掌,學生一郁就會被打頭。

於是,年紀輕輕嘅梁送風決定逃學!返到屋企,佢嘅媽媽覺得奇怪,就問佢發生啲咩事,梁送風照本宣科,媽媽就決定帶佢去鄉村新式學堂讀書。話明新式學堂,聘任嘅老師都唔再係日日讀八股文,而係一位曾經喺廣州省城讀書嘅老師,佢學成後,願意還鄉推廣一啲比較新式嘅中文教育。上面嗰篇短課文,就係新式教育嘅產物。

雖然叫做「新式教育」,但係課文形式都保留傳統元素。

喺古代嘅私塾,中文課本主要係由「三百千」組成,亦即《三字經》、《百家姓》、《千字文》。亦有另一種講法,係「三四五」字經嘅書,就係所謂《三字經》、《四書》、《五經》。新舊融合,形成一種易記入腦嘅粵語教育。

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、王 磊、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題