【中國點點點──閒話粵語#41】新舊名物三字書
2017-08-11

上期《閒話粵語》,清末民初嘅中文科教育名家陳子褒正式登場,佢當年最耍家嘅,就係為莘莘學子編寫「新式三字經」,著作亦令佢馳名省港澳。身為名師,當然唔只得一本著作教小朋友做家務咁簡單,香港城市大學中文及歷史學系教授程美寶今集就同大家研習更多新「三字書」。



上回故事講到,陳子褒因戊戌變法失敗逃到日本,同時佢藉此機會考察日本嘅教育,深受啟發。佢返到嚟廣東一帶後,喺澳門荷蘭園開設「蒙學書塾」,特別注重兒童及婦女教育,希望同其他有識之士一齊,推動中國基礎教育嘅改革。由於陳子褒係改革派,自然係唔會跟從政府嘅路線,所以,佢推動嘅都係由民間做起嘅革新。

程美寶教授話,當時陳子褒從英式教育得到啟發,發現佢哋係會用小朋友日常會接觸到嘅物件、小動物去教學生認字,成為佢編寫「三字經」嘅靈感。從1895年至1921年,陳子褒已經編寫咗40幾種課本及教材,例如《婦孺報》、《婦孺三、四、五字書》。

程美寶教授就搵出一篇課文,係以當時一啲新發明,以及舊物件嚟做主軸,編成「名物三字書」:

各物件,在眼前。

火水燈、火輪船、

雞毛掃、鵝毛扇。

宮座椅,貴妃床。

火水燈、火輪船都是當年的新發明,「火輪船」亦即蒸汽船。後面兩句都是舊物件,最引人注目的可能就是「貴妃床」了。年輕一代未必知道這是什麼,為何平民百姓都會看得見「貴妃床」呢?

程美寶教授介紹,「貴妃床」原來在珠三角一帶相當普遍,坐位比較深同闊,

蹺腳又得,瞓平亦得,得咗!可以說尤如現時的「梳化床」。係咪真係有貴妃坐過而流傳呢個設計到民間呢?就不得而知啦。

呢本三字書當中,主要將小朋友平日會見到嘅物件寫入教科書當中,而且圖文並茂,增加學習趣味。

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、王 磊、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題