石永泰:刑期長短可辯論
2017-08-21

大律師公會前主席石永泰早前接受媒體專訪時,談到三名學生領袖被判刑是「求仁得仁」,有人批評他對法治的看法有轉變。石永泰接受《自由風自由Phone》訪問時表示,「大家上大律師公會網站,可以重溫返2015年1月果篇演辭,大家就會知道,睇嘢要睇全套。」



他說,2014年大律師公會曾發出兩次聲明,談到佔領行動期間的一些舉措「未必係咁妥當」。他指出今次很多人「連(公民廣場案)判詞都冇睇啊」。他認為,活在facebook年代,大家只看標題,「只睇果句,無人真係會睇哂成篇。」或者有人會閱讀整篇文章,但主力「針對某兩段」。

有人批評律政司就刑期作出覆核是「有權用盡」。石永泰說,「我明白大家個感覺上,有啲追殺嘅感覺。」他表示,看過判詞後,認為已經考慮了部份被告已履行社會服務令,「其實佢係扣減咗架」,而非有些人誤會的「雙重懲罰」。他認為大家可以辯論,「大家可以拗刑期扣減得夠唔夠,可以講個刑期咁多個月係咪太長。」若然有人覺得不滿,可以上訴或司法覆核。他明白大家會質疑律政司就刑期覆核,「但如果有個程序俾你去覆核,而佢又覺得真係有理據,我又可以理據點解佢會覆核。」

石永泰認為,從管治者角度去看,公民抗命者如果超越界線,法院應該如何量度判刑。「呢個係值得上訴法院去處理嘅事項,因為可以見到類似嘅嘢係陸續有嚟。」

 


【自由風自由 Phone】

香港電台第一台FM92.6 - 94.4

星期一至五 17:00-20:00

主持:陳燕萍、區家麟、馮德雄

評論員︰鍾劍華、田北俊、余若薇、林奮強 (2017年7月3日起)

監製:鄭婉薇

編導:高福慧、林詠雯

製作團隊:王磊、陳顥之、羅柏倫黃曉玲

專題分類:新聞熱話
發表評論

最新專題