【中國點點點──閒話粵語#43】破舊立新教粵語
2017-08-25

喺八股文、科舉仍然當道嘅年代,文人雅士要突破傳統框框,用另一種方式教育小朋友,並唔係想像中咁容易。之前兩集,程美寶教授同大家分享過,民初中文教育大師陳子褒撰寫嘅《婦嬬三四五字經》,將日常用品、兒時記憶化為中文教材。

陳子褒老師並唔係求其創立呢套新三字經,而係有一套強大嘅理念希望宣揚…...



清末民初,陳子褒等改革派吸納過西方、東洋嘅教學方式之後,開始詬病八股文。佢哋認為,受到科舉影響,小學嘅課本已經用深奧文字,佢哋認為唔應該要小朋友學到咁深奧,會令小朋友心有雜念,不能專注學習,造成反效果。

陳子褒喺自己寫嘅三字書當中,有寫序言,解釋自己嘅教育理念,原來係將東西 (日本、歐美) 嘅教育精粹匯集而成。

三字書序 (節錄)

東西教育則不然。

人生普通各學,如修身、歷史、算術等學。

中國人所視為通人之學者,無不於第一年期即教之。

修身,亦即與今日的倫理課。喺陳子褒到日本考察時,發現當地會將修身、歷史、算術等學科列為小學生初入學第一年嘅必教學科。相反,中國人就視之為通識,無需專設一科,呢個就突顯中西教育嘅大異。

同時,陳子褒仲指出,喺西方,「教育」二字有獨特意義。

教育二字,英語曰「哦需阿爽」、德語曰「哦爾幾根」,

均有「抽出」之義焉,謂因其固有而引之。

西人所謂趣味教育是也。

強調引導,先至係西方所認為嘅教育,而且,西方教育強調趣味,令學生更投入學習。是故,陳子褒編寫嘅新式中文教科書,就希望更「貼地」,唔講大道理,而講學生身邊之事物,將外地嘅教育理念融匯貫通。諗返起今時今日,中西方嘅教育係咪仲仍然存在趣味上嘅差異呢?值得大家深思。

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、王 磊、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題