【#星期六問責】林正財
2021-05-22

政府建議修訂《醫生註冊條例》,引入合資格的非本地培訓醫生在港執業。行政會議成員林正財表示,現時公營機構欠缺約700位醫生,今次修例「可以話係開多對門嘅契機」,個人估計每年可以吸納200至300名醫生回港,相信有助紓緩人手問題。他又表示,不清楚有多少非香港本地培訓的香港永久性居民在外國執業,但自建議出爐後,「有啲喺外國名校讀醫嘅學生主動搵過我,我問過佢哋,都有差唔多一半諗住想返嚟(香港)」,相信建議有吸引力。


林正財在《星期六問責》表示,在新方案下,非本地培訓醫生在公營機構工作的5年期間,每年也會接受評核,未有專科資歷的非本地培訓醫生,在香港接受專科培訓後也需要再接受全面考核,並非完全毋須「考試」。他又指,考試成績好並非代表醫術好,反而上司對醫生在病房工作的評核會更透徹。

另外政府亦建議設立「特別註冊委員會」,負責制訂非本地醫學院頒授的認可醫學資格名單。有醫生團體質疑「特別註冊委員會」的組成及制定名單的準則,林正財指,香港醫生水平高,「專業自主正正香港可以做到,亦應繼續堅持」,而專業自主是建基於社會的信任,所以「要搵個平衡位,喺呢個委員會入面,同一時間能夠有醫生嘅聲音,同一時間要有社會嘅聲音」,委員會擔當平衡的角色,亦要「為醫療專業把關」。他又指,制度公開、透明,相關名單亦是公開,按數據和排名制訂,「嗰啲都係事實嘅陳述,你唔可以無端端話呢間院校排名237,就話佢同香港兩間世界排名50之內嘅醫學院相若」,相信市民毋須太擔心。


星期六問責】

香港電台第一台FM92.6 - 94.4 

逢星期六08:00 - 09:00

主持:陳亮均、高福慧
編導:王磊、何立彥
​監製:蕭洛汶

專題分類:新聞熱話

最新專題