【#星期六問責】邱騰華
2021-09-04

【#星期六問責】商務及經濟發展局局長邱騰華表示,政府一直與内地就通關保持溝通,在一國兩制下,兩地安排並非等同,亦理解内地人口多,對輸入確診個案會較為緊張。政府除了密切商討通關,亦努力調整不同地區人士來港安排,「例如舊年有香港人喺內地設廠,只要佢登記咗,我哋明白呢啲人需要返去睇佢嘅生產線,佢哋返嚟香港時已有豁免」,政府亦調整針對印尼和菲律賓的安排,方便外傭來港。

至於政府會否考慮調整商討通關策略,先開放與海外通關、待時機成熟再與內地商討,他表示,政府過去年多兩年以來,與不同地區商討,「我哋係咪一直『非卿不娶,非君不嫁』,只係同一個談呢?唔係嘅」,因為香港既是與內地最密切,也是一個國際城市,但不論從社會民生、家庭團聚、以至經濟方面,內地也是首要,「如果你問本地市民、海外駐港人士,『最想同邊個恢復通關』,我諗眾口一致話係內地」,這是很自然「一定係嘅」,不可能「讓個位畀其他地方」,但歸根究底要視乎兩地疫情發展。

邱騰華強調,防疫政策除了「清零」、「100%防疫」或「與病毒共存」等招牌式説法之外,「都有考慮好多實際安排」,例如對受影響的行業提供支援等,政策鬆緊「並唔係純粹一個動作,而係背後你做到幾多嘅調整」。


星期六問責】

香港電台第一台FM92.6 - 94.4 

逢星期六08:00 - 09:00

主持:高福慧、李文
編導:王磊、何立彥
​監製:蕭洛汶

專題分類:新聞熱話

最新專題