【中國點點點──社會熱話】內地持續高溫 網民自比「燒焦五花肉」
2014-07-25

「熱辣辣 熱辣 熱辣辣 好熱 好熱!」福頭老師係咪講出你既心聲呢?

內地呢排閒閒哋都三十幾度,前幾日更加係大暑,真係要講番句:「媽,好熱呀!」。

可能高溫容易令人產生幻覺,有內地微博網民就將自己比喻為「奔跑的五花肉」。點解係「奔跑的五花肉」?呢啲感覺既嘢,當然只可意會,不可言傳。無論如何,「我是奔跑的五花肉」已經變成內地網上潮語,點可以唔識呢?



五花肉要煮得好味,當然需要特別既烹調技巧。 有網民就提醒,煮五花肉要注意火候,偶而落點孜然及辣椒,「千萬別烤糊了」。咁用心煮既五花肉有幾好味?連基哥都話:

「從來沒試過這麼清新脫俗的感覺,

五花肉既鮮、海鹽既甜,

混在一起的味道竟然比日本和牛有過之而無不及,

簡直比我的初戀更加詩情畫意,

所謂「舉頭望明月,低頭思故鄉」,

好詩!好詩!」

煮得太熱會點?有網民就表示自己係一塊已經燒焦既長沙五花肉,已經「不行了」。內地既天氣日日都好似鐵板燒咁,唔係人人都捱得住架!

市 民個個怨聲載道,點先可以令大家條氣順啲?廣東省人社廳就發出每人每月150元的「高溫津貼」;如果按日計畫,每人每天可以得到6.9元津貼。按照計劃, 每年6月至10月,如果從事露天崗位工作,以及未能採取有效措施將工作場所温度降低到33℃以下的,就應獲發高温津贴。網民對這項德政紛紛表示支持,甚至 指高溫補貼是夏天的美好回憶之一。

專題分類:中國熱話

最新專題