【自由風自由Phone】環團指有232個物種有本地滅絕危機
2025-03-07

世界自然基金會香港分會（WWF）聯同香港觀鳥會、嘉道理農場暨植物園、香港戶外生態教育協會及本地學者發布《香港生物多樣性現狀2025》。報告評估886個物種發現當中21種已在香港滅絕，232種有本地滅絕危機。

WWF保育總監陳輩樂在《自由風自由Phone》指，從過去文獻資料可見，過去一百年香港曾有老虎存在、亦有不少雀鳥已於香港消失。「嗰21個物種就係呢D物種，包括大家都知道嘅華南虎啦、金錢豹等等。亦都有啲係比較冇乜人知道嘅，就好似香港有一種青蛙，最後一次被發現其實係喺大嶼山嘅大澳，已經係1995年嘅事」。

陳輩樂指， 不少地區都會就整體生物多樣性做周期性評估，以了解保育情況，以及有否地方需要改善或加強。而香港上一次有相類似研究結果已經超過二十年，期間香港變化很大，當中涉及不同因素，例如保育情況、棕地問題、地區發展等，故有必要盡快為香港物種做保育等級評估。同時報告亦可列舉香港生物多樣性熱點（即物種分佈集中的地點），有助香港規劃整體發展時參考。

人為因素亦是影響物種消失的因素之一。陳輩樂指今次報告有28個針對性建議，其中包括非法盜獵問題。「呢個（非法盜獵）對淡水龜係一個特別嚴峻嘅問題，因為好多香港仲能夠發現嘅淡水龜其實係一啲全球極度頻危嘅物種，意味如香港種群我地都保護唔到，個Ｄ物種可能會係全世界消失，唔單止係香港。」。陳輩樂舉例提到物種出沒在非常偏遠地方，而不法份子行事隱秘。「我地覺得有必要加裝高科技設備加強監察，或者係一個預警系統；而有關動物保育法例亦都有修訂空間。」



香港電台第一台FM92.6 - 94.4

星期一至五 17:00-20:00

主持：陸宇光、陳燕萍、梁家永、李家文、李文、楊立門、戴希立、林緻茵、何鉅業、潘永祥、林雲峯、李立峯、麥嘉晉、何建宗、蘇偉文

監製：陳燕萍

專題分類：新聞熱話

最新專題