【中國點點點──中國趣聞】內地舞大媽整容為求上《央視春晚》
2014-10-17

為咗夢想,你可以去到幾盡?「重慶愛博藝術團」由一班平均58歲的廣場舞大媽組成,其行徑在微博捲起一陣旋風。佢哋有一個夢想,就係上「央視晚會」表演;為咗呢個夢想,佢哋真係去得好盡。

藝術團團員個個身懷絕技─現代舞、爵士舞、芭蕾舞甚至肚皮舞,無一樣難倒佢地!為了精益求精,藝術團更邀請專業老師指點,夠哂認真。大媽們多次受到中央電視 臺、湖南衛視等邀請,參加過《出彩中國人》、《中國達人秀》及《奇舞飛揚》等節目。今年年底,大媽們還將遠赴台灣及美國參加演出。


 



如上述所言,她們的目光已放得更遠;《春晚》舞臺,才是她們的終極目標。但時間永遠是女人的敵人;大媽們已經唔再係「十八廿二」;已經58歲既佢哋再老啲、再殘啲,重有邊個想睇佢地喺春晚表演?

於是,佢地選擇......全員集體整容。「再不瘋狂,我們就老了。」

微博判官又點睇?正反雙方既理據,以下足本俾你睇:

反對大媽派:
「其實不整容照樣有觀眾,老了鍛煉身體愛跳舞這無可厚非,但這年紀了還想整容後出名那可能嗎?如今已人老珠黃又何必去受那份罪呢?大媽們,你們這麼瘋狂,就不怕整容整出事故生命提前結束嗎?」

支持大媽派:
「愛美,不是青年人的專利。大媽也要整容,的確是與時俱進了。而且是集體的整容,有激情,還越燒越旺。」
「人人都有追求美的權力,不分年紀大小,年輕人可以打扮和美容又整容,老年人為啥不可以?懷揣夢想,笑傲夕陽!」

對 大媽「集體整容」的決定,網民自可各存己見;但這重要嗎?根據2010年重慶市健康教育所的《市民健康狀況研究報告》,重慶居民平均壽命為76歲;平均 58歲的藝術團團員,只想用自己的方法重新詮釋生命的意義。他們對「跳舞事業」的堅持,應令不少微博網民明暸「活在當下」的意義。

專題分類:中國熱話
發表評論

最新專題