目前70歲或以上的司機在續牌時需提交體格證明，檢查內容包括體重指標(BMI)及脂肪比例等，近日一宗嚴重車禍引起社會關注年長職業司機健康監管要求是否足夠。立法會交通事務委員會委員陳恒鑌在《自由風自由Phone》表示以往交通事務委員會上亦曾進行有關討論。陳恒鑌提到當時有共識要加強體檢內容，而政府亦有建議作較深入的檢查「譬如佢嘅反應，睇睇會唔會有腦退化嘅跡象，有無夜盲症等等。」

對於檢測形式，陳恒鑌建議參考內地做法，用電腦測試。「嗰啲測試好具體，睇吓有無色盲啦；睇吓睇唔睇到嘢；睇到某啲嘢要撳掣、要停車咁樣，就好似模擬緊你揸車，之後同你計分‥‥如果你喺有出現嗰啲嘢，你又冇睇到又冇反應呢，咁你變成唔合格，就續唔到牌 。」他認為這些做法都可考慮，不過亦要參考有關系統的適應與局限。

除了身體檢查，部份地方有為商用車司機設強制退休年齡，社會有討論香港需否考慮。陳恒鑌認為社會要更多時間討論，「針無兩頭利，如果你話要限制年長司機唔可以開營運車或者唔可以開某類車，咁可能喺嗰啲行業，佢嘅人力會出現短缺。」他亦提到有意見認為應優先考慮司機的健康狀況而非年齡，「有部份覺得人力資源係應該要使用嘅，只要佢健康，佢應該咩都做得，喺呢度有好大嘅分野；另外就係體檢嘅內容，點樣先為之足夠呢‥‥詳細嘅檢查內容係啲咩，我相信都會係其中一啲我哋要去拿捏嘅要點。」