【中國點點點──閒話粵語#38】母語教育播新知
2017-07-24

步入暑假,《閒話粵語》開始「新課程」,講講清末民初年代,廣東一帶嘅中國語文教育。

 



香港城市大學中文及歷史學系教授就先考大家嘅記憶力,你哋記唔記得一年級時,中國語文課本第一課嘅內容?

作為語文專家,程美寶教授就記得,係以下呢一課:

「山,高山,高高的山;海,大海,大大的海,山和海,真美麗。」

可以話係用重重疊疊嘅句式,以及欣賞大自然嘅角度,令小朋友記得不同嘅詞彙、讀音。

程美寶又同大家分享,澳門廣播界前輩梁送風 (1932年出生) 曾撰寫一本口述歷史,記載自己的生平及見聞。童年時,佢喺番禺長大,佢記得自己嘅中文第一課,係咁樣嘅:

「記得細時好,跟娘去飲茶,

門前磨硯殼,巷口撥泥沙,

隻腳騎獅狗,屈針釣魚蝦,

而今成長大,心事亂如麻。」

每句五個字,有節奏、有押韻,可以話係當時「卜卜齋」嘅教學特點。字句當中嘅「硯殼」、門前有「泥沙」、「獅狗」等等,今時今日已不復見,成為記載當年鄉下環境嘅小片段。

對梁送風而言,令佢記得呢篇課文嘅,就係最後兩句「而今成長大,心事亂如麻。」皆因表達咗小朋友喺鄉村地方無憂無慮嘅生活,同長大成人後走入社會,心事重重嘅強烈反差。細時讀到呢個課文,令梁送風印象深刻。

 


中國點點點星期一至五 下午三點至四點半

編導:張鳳萍

監製:葉冠霖

【中國點點點】張鳳萍、黃曉玲、王 磊、劉銳紹、鄭漢良、呂秉權主持。每日話題由中國政情、至網絡熱話、旅遊、生活、閱讀,讓聽眾輕輕鬆鬆,每天對祖國知多一點點。

常設環節

星期一:最緊要識法、領導點點菜

星期二:對談中國

星期三:中國討論區;同聲同氣談天說地

星期四:點點評論;閱讀中國

星期五:漫遊中國;閒話粵語

專題分類:中國熱話
發表評論

最新專題